Mámleketlik baǵdarlamanıń yarım jıllıq orınlanıwın dodalawlarda mámleketimizde ámelge asırılıp atırǵan reformalar nátiyjesinde Ózbekstannıń xalıqaralıq reytinglerdegi ornı artıp atırǵanı atap ótildi.

Turaqlı rawajlanıw maqsetlerine (TRM) erisiw baǵdarında eń úlgili nátiyjelerge erisken 5 mámlekettiń biri sıpatında tán alınǵanı málim etildi.
Mámleketlik baǵdarlamanıń 6 ayǵa mólsherlengen 227 bántinen 224 i orınlanǵan. Sonıń ishinde, hár bir insanǵa óz potencialın júzege shıǵarıwı ushın múnásip sharayatlar jaratıw baǵdarında belgilengen tiykarǵı baǵdarlar sheńberinde belgili jumıslar ámelge asırılǵan. Atap aytqanda, respublika boyınsha 35 jańa mámleketlik mektepke shekemgi bilimlendiriw shólkemi shólkemlestirilip, 4 mıń 750 mıń bala ornı jaratılǵan. Mámleketlik emes sektorǵa berilip atırǵan keń imkaniyatlar sheńberinde 72 jeke menshik mektep shólkemlestirilgen. Balalardı mektepke shekemgi bilimlendiriw menen qamtıp alıw dárejesi 77 procentke, mektepke tayarlaw sistemasında qamtıp alıw 96 procentke jetkerilgen.
Ózbek tili hám ádebiyatı pedagoglarına hár ayda 50 procentlik ústeme tóleniwi jolǵa qoyıldı.
Sonday-aq, “Jaslar dápteri” arqalı jaslardı qollap-quwatlaw maqsetinde derlik 122 mlrd. sum qarjı ajıratılǵan.

ÓzA