Salıq xızmeti uyımları xızmetkerleri arasında sporttıń kishi futbol túri boyınsha “Basqarma baslıǵı kubogi” ushın sport jarısları shólkemlestirilmekte.

Maqset – xalqımız arasında sport túrlerin, sonıń ishinde, kishi futboldı rawajlandırıw, ǵalabalıǵın arttırıw, qábiletli jaslardı tańlap alıw bolıp esaplanadı.
Jarıstıń Qaraqalpaqstan Respublikalıq basqıshında aymaqlıq salıq inspekciyalarınıń salıqshı sporshılarınan ibarat 10 komanda qatnastı.
Qızǵın bellesiwlerge bay ótken oyın juwmaǵında jeńimpaz komandalar anıqlanıp, Tórtkúl rayonı salıq inspekciyası komandası birinshi, Nókis rayonı salıq inspekciyası komandası ekinshi, Qanlıkól rayonı salıq inspekciyasınıń komandası úshinshi orındı iyeledi.
Álbette, usınday jarıslar xızmetkerler arasında doslıq baylanısların bekkemleydi hám fizikalıq shınıǵıwlarında úlken áhmiyetke iye.
Jeńimpaz komandalar shólkemlestiriwshiler tárepinen tayarlanǵan arnawlı diplom, bahalı sawǵalar menen sıylıqlandı.

Qaraqalpaqstan xabar agentligi.