Kolumbiyanıń Kali qalasında qáwipli jınayatshı qolǵa alındı, dep málim etti jergilikli qáwipsizlik basqarması.

– Interpol uyımı hám Kali birge islesiwi nátiyje beriwde dawam etpekte, – delinedi xabarda. – Kolumbiya policiyası hám xalıqaralıq agentlik birgelikte ótkergen operaciya dawamında 196 mámlekette izlewge berilgen, Italiyadaǵı “Ndrangeta” mafiyası toparınıń jetekshisi, dep boljanıp atırǵan “Fedi” laqaplı shaxs qolǵa alındı.
Jergilikli baspasózdiń jazıwınsha, ámeliyat Ullı Britaniya rásmiyleri menen birgelikte ótkerilgen. Federiko Startone xalıqaralıq kokain sawdası hám Qubla Amerikadaǵı jınayıy shólkemler menen baylanıs ornatqanı ushın izlewge berilgen edi.
Qamaqqa alınǵan shaxs Kolumbiya, Ekvador hám Braziliyada Italiya mafiyasınıń operativ háreketin jolǵa qoyıw, buǵaz klani, Los CHoneros (Ekvador) hám Birinshi Metropoliten sárkardalıǵı (PSS, Braziliya) menen Evropada kokain islep shıǵarıw, tasıw hám tarqatıwdı muwapıqlastırıw ushın juwapker edi.
ǴXQ Fedi 11-iyul kúni Bogotada qolǵa túsken “Ndrangeta”nıń tiykarǵı basshısı «Peppe» laqaplı Juzeppe Palermonıń isenimli agenti sıpatında háreket etkenine de itibar qaratqan.

ÓzA