Vetnam Socialistlik Respublikası Ádillik ministrliginiń Puqaralıq isleri boyınsha sud qararların orınlaw departamentiniń bas direktorı Nguen Txang Loy basshılıǵındaǵı delegaciya Ózbekstan Respublikasına keldi.

Delegaciya wákilleri Ózbekstan Respublikası Bas prokuraturası janındaǵı Májbúriy orınlaw byurosı bolıp, eki tárepleme qatnasıqlardı jolǵa qoyıw, sonday-aq, eki mámlekettiń májbúriy orınlaw xızmetleri arasında tiykarǵı baǵdarlar hám perspektivalı rawajlandırıwda óz-ara birge islesiw máselelerin dodaladı.
Bas prokuraturada delegaciya, Májbúriy orınlaw byurosı wákilleri menen rásmiy ushırasıw ótkerilip, onda mámleketimiz orınlaw sistemasında ámelge asırılıp atırǵan reformalar haqqında maǵlıwmat berildi.
Delegaciya aǵzaları «Prokuratura tariyxı» muzeyine bardı. Sonday-aq, Májbúriy orınlaw byurosınıń Yashnabad rayonı bóliminde bolıp, orınlawshılardıń jumısı, sonday-aq, bul baǵdarda engizilgen sanlastırıw processleri hám aldınǵı tájiriybe hám reformalar menen jaqınnan tanıstı.
Bunnan tısqarı, Vetnam Socialistlik Respublikası Ádillik ministrliginiń Puqaralıq isleri boyınsha sud qararların orınlaw departamentiniń bas direktorı Nguen Txang Loy tárepinen orınlaw hújjetlerin májbúriy orınlaw tarawında ámelge asırılıp atırǵan, sonday-aq, processlerdi sanlastırıw sebepli erisilip atırǵan nátiyjeler joqarı bahalandı.
Ilaj sheńberinde «Elektron onlayn-aukcionlardı shólkemlestiriw orayı» akcionerlik jámiyeti wákilleriniń qatnasıwında mámleketimizde múlklerdi “E-Auksion” elektron onlayn-sawdalar arqalı satıw boyınsha tájiriybe almasıldı.

N.Abduraimova, ÓzA