Ózbekstan Metallurgiya associaciyası wákilleri hám Qıtay Temir-polat associaciyası wákilleriniń ushırasıwı bolıp ótti.
Sóylesiw dawamında eki shólkem arasında birge islesiw haqqında memorandumǵa qol qoydı.

Maǵlıwmatlarǵa bola, associaciya Qıtaydıń eń iri tarmaq shólkemi bolıp, 400 den aslam kárxana, sonıń ishinde, jetekshi metallurgiya korporaciyaları, ilimiy- izertlew institutları hám servis kompaniyaların ózinde birlestirgen.
Ushırasıw dawamında mámleketimizde kán-metallurgiya sanaatı ónimleri negizinde aldınǵı dúnya ámeliyatı tiykarında joqarı qosımsha bahalı tayar ónimler islep shıǵarıw quwatlıqların shólkemlestiriw, oǵan baylanıslı bolǵan tarmaqlardı rawajlandırıw hám bul baǵdardıń investiciyalıq tartımlılıǵın arttırıwǵa ayrıqsha itibar berilip atırǵanı atap ótildi.
Sonday-aq, endi usı birge islesiw memorandumı Associaciya ushın aldınǵı texnologiyalar, jańa birge islesiw qatnasıqları hám investiciya imkaniyatlarına jáne de keń jol ashıp beretuǵını atap ótildi.
Sonıń ishinde, tarmaqtıń básekige shıdamlılıǵın hám Ózbekstan qara metallurgiyasınıń dúnya bazarındaǵı abırayın bekkemleydi.

Gulnoza Boboeva, ÓzA