Túrkiy mámleketler shólkeminiń Bas xatkeri Kuabinichbek Omuraliev Ázerbayjan Respublikası Prezidenti Ilham Aliev hám Armeniya Respublikası Bas ministri Nikol Pashinyan hám gúwa sıpatında Amerika Qurama Shtatlarınıń jetekshisi Donald Tramptıń qatnasıwında Vashington qalasında qol qoyılǵan Birgeliktegi deklaraciya járiyalanıwı múnásibeti menen arnawlı bayanat berdi.

– Men «Tınıshlıq hám Ázerbayjan Respublikası hám Armeniya Respublikası arasında mámleketleraralıq qanasıqlar ornatılıwı haqqında Kelisim»niń kelisilgen tekstine qol qoyılıwı, sonday-aq, eki mámleket sırtqı isler ministrleriniń Evropada qáwipsizlik hám birge islesiw shólkemine «EQBSh Minsk procesi» hám usınıń menen baylanıslı strukturalar biykar etiliwi haqqındaǵı múrájatın qatań qollap-quwatlayman, – delingen tiyisli hújjette. – Usı tariyxıy waqıya Qubla Kavkaz regionında bekkem tınıshlıq hám turaqlılıq ornatıw, keń aymaqlarımızda abadanlıqqa erisiw jolındaǵı áhmiyetli qádem bolatuǵınına isenimimiz kámil.

Ǵ.Xonnazarov, ÓzA