Ózbekstan Respublikası Ministrler Kabineti “Rayon (qala) larda ekonomikalıq ósiwge túrtki beretuǵın drayver joybarlardı qáliplestiriw hám ámelge asırıw tártibi haqqındaǵı rejeni tastıyıqlaw haqqında” qarar qabıl etti.

Oǵan muwapıq, Rayon (qala)larda ekonomikalıq ósiwge túrtki beretuǵın drayver joybarlardı qáliplestiriw hám ámelge asırıw tártibi haqqındaǵı reje tastıyıqlandı.
Rejede:
drayver joybarlardı qáliplestiriw, kelisiw hám tastıyıqlaw;
drayver joybarlardı qarjılandırıw;
drayver joybarlardıń ámelge asırılıwın támiyinlew, muwapıqlastırıw hám monitoring etiw tártibi belgilep berilgen.
Drayver joybarlardı qáliplestiriw hám olardı nátiyjeli ámelge asırıw ushın Qaraqalpaqstan Respublikası Ministrler Keńesi, wálayatlar hám Tashkent qalası, sonday-aq, rayonlar (qalalar) hákimlikleri;
drayver joybarlar ámelge asırılıwın muwapıqlastırıw hám monitoringin alıp barıw ushın Ózbekstan Respublikası Ekonomika hám qarjı ministrligi juwapker shólkemler bolıp esaplanadı.
Drayver joybar ámelge asırılatuǵın tarawlar hám baǵdarlar tómendegiler bolıp esaplanadı:
a) sanaatta:
máhállelerdiń qánigelesiwinen kelip shıǵıp, sanaat ónimlerin islep shıǵarıw kólemin keńeytiw ushın mikro sanaat orayların shólkemlestiriw;
arnawlı ekonomikalıq hám sanaat zonalarındaǵı bos jer maydanlarınan nátiyjeli paydalanıw;
bos turǵan imarat hám obektlerde óndiristi jolǵa qoyıw;
azıq-awqat hám awıl xojalıǵı ónimlerin qayta islew, saylap alıw, qadaqlaw hám saqlawdı jolǵa qoyıw;
qánigelesken máhállelerde kooperaciya tiykarında óndiristi keńeytiw;
óndiris kárxanalarınıń quwatlılıǵın tolıq paydalanıw hám keńeytiw;
b) xızmet kórsetiwde:
jollar boyında sawda hám xızmet kórsetiw obektlerin, sonıń ishinde, “Service point” hám “Service agea”lardı shólkemlestiriw;
rayon orayı hám oǵan tutas aymaqlardan aǵıp ótiwshi suw basseynleriniń boylarında, tábiyǵıy hám jasalma kóllerdiń jaǵalarında jaǵalıq boyı turizm hám dem alıw orınların shólkemlestiriw;
turizm obektlerin (úy miymanxanaları, sawda shaqapshaları hám basqalar) shólkemlestiriw arqalı keliwshilerdiń sanın arttırıw (sırt elli hám jergilikli turistlerdiń aǵımın kóbeytiw) jáne olarǵa uzaq múddet qalıw imkaniyatların jaratıw;
xalıq tıǵız jaylasqan orınlarda sawda hám xızmet kórsetiw baǵdarında kúni-túni jumıs isleytuǵın zamanagóy kóshelerdi shólkemlestiriw;
master-reje islep shıǵılǵan aymaqlardaǵı perspektivalı joybarlardı qollap-quwatlaw;
dem alıw baǵların keńeytiw hám modernizaciyalaw arqalı qosımsha sawda-servis obektlerin jáne jasıl aymaqlardı shólkemlestiriw;
aymaqlarda bar bazarlardıń quwatlıqların arttırıw, jumısın tártipke salıw, jańa bazarlar hám olardıń filialların shólkemlestiriw;
mámleketlik-jeke menshik sheriklik shártleri tiykarında bos turǵan imarat-obektlerden maqsetli hám nátiyjeli paydalanıw;
renovaciya tiykarında eski úyler ornında tómengi qabatlarında xızmet kórsetiwge mólsherlengen kóp qabatlı zamanagóy turaq jay hám turaq jay emes imaratlardı qurıw ushın infrastrukturanı jaratıw;
aymaqlardı rawajlandırıw boyınsha master-rejelerdi islep shıǵıw;
joqarı dáramatlı kásiplerge hám shet tillerine oqıtıwdı jolǵa qoyıw;
v) awıl xojalıǵında:
xalıqqa ijara tiykarında ajıratılǵan awıl xojalıǵı jer uchastkalarınan nátiyjeli paydalanıw ushın infrastrukturanı jaratıw;
jer maydanların ózlestiriw, paydalanıwdan shıqqan jer maydanların qayta paydalanıwǵa kirgiziw, jer maydanlarınıń suw támiynatın jaqsılaw;
eski baǵ hám júzimzarlardı jańalaw jáne olardıń fonında jańa zúráátli (intensiv) baǵlardı shólkemlestiriw arqalı bar jer maydanlarınan nátiyjeli paydalanıw;
qánigelesken máhállelerde kooperaciya tiykarında awıl xojalıǵı ónimlerin jetistiriwdi keńeytiw;
sharwashılıq, balıqshılıq, ıssıxana xojalıqların shólkemlestiriw.
Drayver joybarlardı qáliplestiriw, kelisiw hám iske qosıw rayon (qala) hákimleri tárepinen ámelge asırıladı.

ÓzA