Tallawlar kórsetkenindey, byurokratiya sebepli jeke menshik sektor bos orınlardı kórsetiwden mápdar emes.
Sonlıqtan, joqarı oqıw ornı pitkeriwshilerin jumısqa jaylastırıw boyınsha jeke menshik sektor ushın qolaylı bolatuǵın sistema jaratılatuǵını belgilendi.

Bunıń ushın Isbilermenler reytinginde óz aldına kórsetkish qosıladı.
Onda isbilermenler ózindegi bos jumıs orınları haqqındaǵı maǵlıwmatlardı qánigelik baǵdarı menen kirgizedi.
Platformaǵa joqarı oqıw orınları da jalǵanıp, joqarı oqıw ornınıń “karera orayı” pitkeriwshini bos ornı bar kárxana menen baylanıstırıp beredi.
Eń áhmiyetlisi, pitkeriwshini jumısqa alǵanı ushın isbilermenge qosımsha ball beriledi.
Pitkeriwshisiniń yarımınan kóbisin jumısqa ornalastırǵan “karera orayı”na joqarı oqıw ornı qorınan 500 million sum sıylıq beriledi.
Prezident Shavkat Mirziyoevtiń basshılıǵında joqarı oqıw orınları pitkeriwshilerin jumısqa jaylastırıw boyınsha keńeytilgen májilis dawam etpekte.

ÓzA