Prezident Shavkat Mirziyoevtiń basshılıǵında joqarı oqıw orınları pitkeriwshilerin jumısqa jaylastırıw boyınsha keńeytilgen májilis dawam etpekte.

Endigiden bılay bahası 1 million dollardan, jumısshılar sanı 50 den joqarı joybarlar texnikalıq-ekonomikalıq tiykarda tarawlar hám baǵdarlar kesiminde qánigelerge talap kórsetiledi.
Usı tiykarda juwapker ministr hám tarmaq basshısı joqarı oqıw orınlarına buyırtpa jaylastırıp, kadrlardı maqsetli tayarlawdı jolǵa qoyadı.
Onda rektorlar buyırtpa tiykarında oqıp atırǵan studentler ushın tiykarǵı pánlerden tısqarı qosımsha bilimlendiriw modullerin engizedi. Usı modullerdi oqıǵan studentlerge kredit balları beriledi.
Studentlerdiń bilimin ekinshi kurstan keyin olardı jumısqa almaqshı bolǵan investor qatnasıwında hár jılı bahalap barıladı. Student diplom jumısın joybarda qoyılǵan máselelerden kelip shıǵıp, qorǵaydı.
Bir sóz benen aytqanda, investordıń talabına say bolǵan pitkeriwshiler investor tárepinen kepillikli jumısqa alınatuǵın sistema boladı.

ÓzA