Máselen, ekonomika, yuridikalıq, medicina, tiller hám pedagogika baǵdarındaǵı joqarı oqıw orınlarınıń jeterli qarjısı bar. Biraq eń áhmiyetli bolıp turǵan awıl xojalıǵı, veterinariya, injenerlik, anıq hám tábiyǵıy pánler (STEM) baǵdarındaǵı ayırım joqarı oqıw orınları dáramat tabıwǵa úyrenbey atırǵanı, jaslar ushın tartımlı emes ekenligi kórsetip ótildi.

Prezidentimiz “tarmaq – kárxana – joqarı oqıw ornı” shınjırın jolǵa qoyıwdı jedellestiriw zárúr ekenligin atap ótti.
Bul baǵdarda 25 injenerlik joqarı oqıw ornı birge islesiwshi kárxanalarda 438 kafedra ashtı. Máselen, neft-gaz tarmaǵı bilimlendiriw-óndiris klasterlerin shólkemlestirdi. Buxara texnika universiteti bolsa neft-gazden tısqarı jáne 10 kárxanada 20 kafedra filialınıń jumısın jolǵa qoydı.
Buxara wálayatında jaqın jıllarda iri gaz-ximiya kompleksiniń iske qosılıwı kútilmekte. Sırt el kompaniyaları tárepinen Ústirttegi jańa joybarlar boyınsha jumıslar baslanǵan.
Prezidentimiz bul quwatlıqlarǵa qánigeler qay jerde tayarlanadı, ilimiy izleniwler kim tárepinen alıp barıladı, degen sorawlarǵa házirden-aq juwap tabıw kerek ekenligin atap ótti.

ÓzA