“Hizbulloh” Livan húkimetiniń qural-jaraq ústinen mámleket monopoliyasın ornatıw qararın biykarlap, quralsızlanıw talabın tán almadı. Bul haqqında BBC xabar berdi. Háreket Livan húkimetiniń bul qararına 6-avgust kúni “Biz bul qarardı bolmaǵanday etip qabıl etemiz. Bul úlken gúnaǵa teń” dep múnásibet bildirgen.

Qubla Afrikada ógiz amerikalı millioner Esher Uotkinsti ań awlaw saparı waqtında shaqı menen súzip óltirdi. Bul haqqında New York Post xabar berdi. Waqıya Limpopo wálayatında júz bergen. 52 jasar millioner salmaǵı derlik 1,5 tonna bolǵan buǵanı atpaqshı bolǵan. Biraq tosattan haywannıń hújim etiwi aqıbetinde qaytıs bolǵan. Buǵa kútilmegende úlken tezlikte erkekke qaray atılıp, shaqları menen bir soqqıda onı óltirgen.
AQSh prezidenti Donald Tramp Rossiya basshısı Vladimir Putin menen kelesi háptede ushırasıwı múmkin ekenin bildirdi. Oǵan bola, ushırasıwda Ukrainadaǵı urıstı tamamlaw máselesi kórip shıǵıladı. Bul haqqında CNN xabar berdi. Tramptıń málim etiwinshe, Putin menen AQShtıń arnawlı wákili Stiv Vitkof arasında Moskvada bolǵan ushırasıw nátiyjeli bolǵan, biraq anıq jetiskenliklerge erisilmegen. AQShtıń mámleketlik xatkeri Marko Rubio bul ushırasıwdan soń Rossiyanıń tınıshlıq kelisimi ushın shártleri bar ekenin jáne de anıǵıraq túsingenin bildirgen.

Gazanıń HAMAS háreketi tárepinen 2023-jıl 7-oktyabr kúni Izrailǵa ámelge asırılǵan hújimde aman qalǵanlar hám qaytıs bolǵanlardıń tuwısqanları Meta kompaniyasın sudqa berdi. Bul haqqında Arab News xabar berdi. Dawa etiliwinshe, kompaniyanıń Instagram hám Facebook sociallıq tarmaqları sol kúngi hújimdi janlı efirge uzatqan. Bul dawa Tel-Aviv okruglik sudına tapsırılǵan bolıp, onda tarmaqlar “zorlıq-zombılıqtı janlı efirde kórsetiw quralına aylanǵanı” ushın ayıplanbaqta. Juwapker sıpatında tilge alınǵan Meta dan shama menen 1,17 milliard dollar muǵdarında pul talap etilgen.

AQShtıń Pensilvaniya shtatında 22 jasar Jeykob Bakli prezident Donald Tramptı óltiriw menen qorqıtqanlıqta ayıplandı. Bul haqqında Centre Daily Times xabar berdi. Ayıplawǵa jigittiń TikTok sociallıq tarmaǵında jazǵan postları sebep boldı. Ol 2025-jıl 16-yanvar kúni, Tramp ele saylanǵan prezident statusında bolǵan waqıtta, oǵan hám onıń tárepdarlarına qarsı qáweterli postlar jaylastırǵan.

Qubla Koreya prokuraturası burınǵı birinshi xanım Kim Qubla Koreya prokuraturasınıń burınǵı birinshi xanımı Kim Kon Xidi qamaqqa alıw ushın sudqa múrájat etti. Bul haqqında Reuters xabar berdi. Atap ótiliwinshe, prokurorlar bul haqqında 7-avgust kúni málim etken. Oǵan shekem burınǵı birinshi xanım korrupciyada ayıplanıp tergewde bolıp atırǵan edi. Házirgi waqıtta, prokuratura qamaqqa alıw orderi menen baylanıslı tolıq maǵlıwmat bermedi. Kimniń advokatları oǵan qoyılǵan ayıplawlardı biykarlamaqta.

Iroda Jwraeva, Uluǵbek Twxtaev, ÓzA