Qıtaydıń qublasındaǵı Foshan qalasında mıńlaǵan adam “chikungunya” atı menen tarqalǵan virusqa shalındı.

Húkimettiń rásmiy maǵlıwmatına bola, házirgi waqıtqa shekem 7 000 nan aslam jaǵday anıqlanǵan. Virus juqtırǵanlardıń sanı áste-aqırın azaymaqta. Soǵan qaramastan, bul mámleket tariyxındaǵı eń iri epidemiya bolıwı múmkin ekenligi atap ótilgen.

– CHikungunya – shıbın arqalı juǵatuǵın kesellik bolıp, temperatura hám buwın awırıwı menen ótedi, – deydi Oksford universitetiniń ilimpazı Sesar Lopes-Kamacho. – Bul virus aldın Qıtayda keń tarqalmaǵan edi. Sol sebepli kópshilik xalıq bul zıyankeske qarsı immunitetke iye emes.
Rásmiyler qalalar hám basqa da elatlı punktlerde insekticid sebiw, tarmaqlı tor ornatıw hám dron járdeminde zıyanlanǵan orınlardı anıqlaw sıyaqlı ilajlardı kórmekte. Kórsetpege ámel etpegen puqaralar 1400 dollarǵa shekem járiyma hám elektr támiynatın úziw menen jazalanadı.
Ayırım aymaqlarda shıbın lichinkasın jeytuǵın balıq hám virus tasıwshı shıbındı jeytuǵın iri shıbın da iske qosılmaqta.
AQSh Guandun provinciyası, atap aytqanda Foshan qalasına barıp atırǵan puqaralarǵa abaylı bolıwdı usınıs etpekte. Waqıtsha nawqaslar ushın májbúriy bir háptelik emlewxanada emleniwi engizilgen. Dáslep eki háptelik úy karantin belgilendi. Bul virus adamnan adamǵa ótpewi sebepli házir bul ilajdan waz keshilgen.
CHikungunya tarqalıwına kúshli jawın yamasa joqarı temperatura sebep boladı. Húkimet milliy dárejede ayrıqsha májilis ótkerip, epidemiyaǵa qarsı gúresiw boyınsha arnawlı protokol qabıl etken.

Muslim Ziyo, ÓzA