Ózbekstan hám Indoneziya aviaciya strukturaları puqaralıq aviaciya hám zıyarat turizmi tarawında birge islesiwdi keńeytiw boyınsha jańa kelisimge qol qoydı. Bul haqqında Transport ministrligi baspasóz xızmeti xabar berdi.

Bul hújjet “Ózbekstan-2030” strategiyasınıń 2030-jılǵa shekem hawa qatnawın tórt esege arttırıwdı názerde tutatuǵın 53-maqsetin ámelge asırıw sheńberinde qabıl etildi.
Jakartada bolıp ótken ushırasıwda mámleketimiz Transport ministrligi delegaciyası aǵzaları birge islesiwshi tárepke respublikamızda zıyarat turizmi hám puqaralıq aviaciyasın reformalaw baǵdarında alıp barılıp atırǵan jumıslar haqqında maǵlıwmat berildi. “Umra plyus” baǵdarlamasın rawajlandırıw perspektivası da dodalandı.
Sóylesiw juwmaǵında bekkemlengen aviakompaniyalardıń sanına baylanıslı burınǵı sheklewlerdi biykar etiwge kelisip alındı.
Bunnan tısqarı, Ózbekstan aviatasıwshıları ushın jańa esaplanǵan Denpasar, Surabaya, Medan, Yogyakarta, Majalengka, Banda Asex, Tanjung Pandan, Lombok sıyaqlı jónelisler belgilep alındı.
Tárepler hár bir mámleket ushın reysler sanın háptesine 28 ge jetkeriw boyınsha kelisimge erisildi. Indoneziya aviakompaniyalarına Ózbekstandaǵı barlıq xalıqaralıq aeroportlardan paydalanıwǵa ruxsat berildi.

M.Pirmatova, ÓzA