Qıtayda tarqalǵan chikungunya bezgegi Ózbekstanǵa qáwip tuwdırmaydı, bul haqqında Sanitariyalıq-epidemiologiyalıq tınıshlıq hám jámiyet salamatlıǵı komiteti rásmiy túrde málim etti.

Atap ótilgenindey, bul kesellikti tarqatıwshı Aedes aegypti yaki Aedes albopictus shıbınları mámleketimiz tábiyatında ushıraspaydı.
Komitet tárepinen mámleketimizde epidemiologiyalıq turaqlılıqtı támiyinlew baǵdarında sistemalı ilajlar ámelge asırılmaqta, delinedi xabardıń juwmaǵında.
Aldın Qıtayda emlew imkaniyatı joq hám ólimge alıp barıwshı chikugunya bezgegi tarqalıp atırǵanı haqqında xabar bergen edik. Shıbınlar tasıwshı viruslar keltirip shıǵaratuǵın bul bezgek buwınlarda keskin awırıw menen ótiwshi awır nevrologiyalıq aqıbetlerge alıp keletuǵını aytılǵan.
Qıtay alımları joqarıda aytıp ótilgen virus tasıwshı shıbınlarǵa qarsı gúresiw ushın olardıń qurtların (lichinkaların) jeytuǵın kannibal shıbınlardı jaratqan,-dep málimleme beredi xabar.uz saytı.

Qaraqalpaqstan xabar agentligi