Házirgi kúnlerde Ózbekstan delegaciyası Avaza qalasında Birlesken Milletler Shólkeminiń teńizge shıǵıw imkaniyatı bolmaǵan rawajlanıp atırǵan mámleketler boyınsha úshinshi konfernenciyası sheńberindegi ilajlarda qatnaspaqta.

Ózbekstan delegaciyası ilajlarda qatnasıw menen birge xalıqaralıq shólkemlerdiń wákilleri hám parlamentlerdiń basshıları menen ushırasıwlar ótkermekte.
Sonıń ishinde, Senat Baslıǵı Tanzila Norboeva Birlesken Milletler Shólkemi Bas xatkeriniń joqarı wákili Fatima Rabobxanım menen ushırastı.
Fatima Rabobxanım Tashkent qalasında ótkerilgen Parlamenleraralıq awqamınıń 150-assambleyasın joqarı bahalap, búgingi Senat jumısın dúnya mámleketleriniń kóplegen parlamentleri ushın úlgi ekenligin atap ótti.
Keyingi jıllarda Oraylıq Aziya mámleketleriniń óz-ara doslıq qatnasıqları hám tıǵız qońsıshılıq qatnasıqları mámleketler hám regionnıń rawajlanıwı, xalıqlardıń abadanlıǵı ushın úlken áhmiyetke iye ekenligi ayrıqsha atap ótildi.
Sóylesiw waqtında regionımızda sırtqı sawda, transport hám kommunikaciya tarawlarındaǵı imkaniyatlar hám xalıqaralıq dárejede birge islesiwdi kúsheytiw baǵdarında perspektivalı rejeler dodalandı.
Sonday-aq, Turaqlı rawajlanıw maqsetlerinde belgilengen wazıypalar hám BMShtıń teńizge shıǵıw imkaniyatı bolmaǵan rawajlanıp atırǵan mámleketler boyınsha úshinshi konferenciyası sheńberinde qabıl etilgen hújjetlerdiń nátiyjeli orınlanıwın támiyinlew máseleleri kórip shıǵıldı.

Qaraqalpaqstan xabar agentligi