Oliy Majlis Senatı Baslıǵı Tanzila Narbaeva BMShtıń teńizge shıǵıw imkaniyatı bolmaǵan rawajlanıp atırǵan mámleketler boyınsha úshinshi konferenciyası sheńberinde Portugaliya Sırtqı isler ministrligi mámleketlik xatkeri Ana Izabel Ksaver menen ushırasıw ótkerdi.
Ushırasıwda A.Ksaver xanım Ózbekstannıń búgingi investiciyalıq rawajlanıw pátlerin joqarı bahaladı hám eki mámleket arasında sawda-ekonomikalıq qatnasıqlardı jáne de keńeytiwden mápdar ekenligin bildirdi.
Sóylesiw waqtında bilimlendiriw, turizm hám mádeniyat tarawlarındaǵı birge islesiwdi bekkemlew, sonday-aq, aymaqlararalıq qatnasıqlardı rawajlandırıw máselelerine ayrıqsha itibar qaratıldı.
Sonday-aq, Portugaliya Evropa Awqamı sheńberinde Ózbekstan menen tıǵız birge islesip atırǵan mámleketlerden biri ekenligi atap ótildi.
Tárepler xalıqaralıq shólkemler щeńberinde óz-ara qollap-quwatlaw ámeliyatın jáne de kúsheytiw boyınsha kelisip aldı.

Qaraqalpaqstan xabar agentligi