Birlesken Milletler Shólkeminiń teńizge shıǵıw imkaniyatı bolmaǵan mámleketler boyınsha úshinshi rawajlanıw konfernciyasında eń az rawajlanǵan mámleketler, teńizge shıǵıw imkaniyatı bolmaǵan rawajlanıp atırǵan mámleketler hám kishi atawlardıń rawajlanıp atırǵan mámleketleri boyınsha Joqarı wákili Rabob Fotima shıǵıp sóylep, mámleketlerdiń táǵdirin geografiya aldınan belgilemewi kerek ekenligin atap ótti.

“Turkmenistaninfo” jazıwınsha, Fotima xanım sistemalı sheklewge qaramastan, úlken potencial hám resursqa iye bunday mámleketler rawajlanıwǵa isenim menen umtılıp atırǵanın atap ótken. Tosqınlıqlardı jeńip ótiw ushın birge islesiw, sanlı integraciya, ekonomikalıq tranformaciya áhmiyetli ekenligine itibar bergen. Rabob Fotima 320 dan aslam joybardı óz ishine alǵan, keyingi on jıllıq ushın strategiyalıq reje esaplanǵan Avaza Háreket Kún tártibi iske túsirilgenin járiyaladı.
Baǵdarlama tranzit ekenligi, klimat ózgeriwine shıdamlılıq hám jeke menshik sektordı jedellestiriwge ayrıqsha itibar qaratılǵan.
Xızmetker sózin juwmaqlap, xalıqaralıq jámiechilikti belgili máselelerde qatań ilajlar kóriwge shaqırdı:
– Konferenciya ólshemi sóz benen emes, al turmıslıq ózgerisler – jollar, sawda jolları hám mámleketlerimiz qatnasıqlarınıń bekkemleniwi menen ólshenedi.

Muharrama Pirmatova, ÓzA