Ózbekstan Respublikası Ministrler Kabineti «Temir jol transportı infrastrukturası qáwipsizligi haqqındaǵı texnikalıq reglamentti tastıyıqlaw haqqında» qarar qabıl etti.

Oǵan muwapıq:
Temir jol transportı infrastrukturası qáwipsizligi haqqındaǵı Texnikalıq reglament;
Temir jol transportı infrastrukturası qáwipsizligi haqqındaǵı Texnikalıq reglamentti engiziw sxeması tastıyıqlandı.
Temir jol transportı infrastrukturası qáwipsizligi haqqındaǵı Texnikalıq reglament ulıwma paydalanıwdaǵı hám ulıwma paydalanıwda bolmaǵan temir jol transportı infrastrukturasına qollanıladı.
Texnikalıq reglament talapları Ózbekstan Respublikası aymaǵında temir jol transportı infrastrukturası obektlerin joybarlastırıw (sonıń ishinde, izertlewler alıp barıw), óndiris, qurıw, montajlaw, qurılısı juwmaqlanǵan obektlerdi paydalanıwǵa qaratıw, qabıllaw hám tapsırıwda, sonday-aq, temir jol ónimleriniń muwapıqlıǵın bahalawda májbúriy esaplanadı.
Temir jol transportı infrastrukturası Texnikalıq reglamenttiń texnikalıq jaqtan tártipke salıw obekti esaplanadı hám:
a) temir jol transportı infrastrukturasınıń temir jol, temir jol elektr támiynatı, temir jol avtomatikası hám telemexanikası, temir jol elektr baylanısı, sonday-aq, stanciya imaratları hám qurılmaları sıyaqlı tómengi sistemaların;
b) Texnikalıq reglamentte kórsetilgen temir jol transportı infrastrukturası tómengi sistemalarınıń quramlı bólekleri hám tómengi sistemalarınıń quramlı bólekleriniń elementlerin óz ishine aladı.
Usı Texnikalıq reglament 200 km/h den joqarı tezlikte háreketleniwshi poezdlar ushın mólsherlengen joqarı tezlikte háreketlenetuǵın temir jol transportı infrastrukturasına qollanılmaydı.
Háreket qáwipsizligin támiyinlew bólegi boyınsha temir jol transportı infrastrukturasınan paydalanıwǵa qoyılatuǵın talaplar temir jol transportı haqqındaǵı nızamshılıq hújjetleri menen belgilenedi.
Texnikalıq reglament rásmiy járiyalanǵan kúnnen baslap altı ay ótkennen soń ámelge kirgiziledi.
Qararǵa bola Ózbekstan Respublikası aymaǵında qurılısı, islep shıǵarılıwı, ornatılıwı, jasalıwı hám iske qosılıwı Texnikalıq reglament kúshke kirgen sáneden aldın tawsılǵan ónimler ushın muwapıqlıq sertifikatları yaki deklaraciyaları olarda kórsetilgen múddet dawamında ámel etedi.

ÓzA