4-avgust – Ózbekstan Respublikası Milliy gvardiyası shólkemlestirilgen kún múnásibeti menen saltanatlı ilaj ótkerildi.

Onda Qaraqalpaqstan Respublikası Joqarǵı Keńesiniń Baslıǵı A.Orınbaev shıǵıp sóylep, sáne múnásibeti menen taraw xızmetkerleri hám veteranların qutlıqladı hám mashaqatlı, sonıń menen birge, maqtanıshlı jumıslarında tabıslar tiledi.
Atap ótilgenindey, sońǵı jıllarda Prezidentimizdiń basshılıǵında elimizdiń tınıshlıǵın saqlaw baǵdarında jumıs alıp barıp atırǵan Qurallı Kúshler hám huqıq qorǵaw uyımlarınıń jumısların túpkilikli reformalaw, bul jolda ayanbay miynet etip atırǵan taraw xızmetkerlerin qollap-quwatlaw hám olardıń jumıs nátiyjeliligin jáne de arttırıw boyınsha keń kѳlemli jumıslar ámelge asırılmaqta.
Álbette, bul ámelge asırılıp atırǵan jumıslardıń barlıǵı elimizdiń tınıshlıǵın qorǵaw, jámiyette tártip-intizam húkim súriwin, eń baslısı, puqaralarımızdıń tınısh uyqısın támiyinlewge qaratılǵan.
Ótkerilgen ilaj dawamında bir qatar taraw pidayıları sáne múnásibeti menen kókirek belgileri, húrmet jarlıǵı, áskeriy dáreje hám bahalı sawǵalar menen sıylıqlandı.

Qaraqalpaqstan xabar agentligi