Húkimettiń 484-sanlı qararı menen “Kámbaǵal shańaraqlar reestrine kirgizilgen rásmiy bánt bolǵan jalǵız baslı ata hám analarǵa perzenti ushın mektepke shekemgi bilimlendiriw xızmetinen paydalanıw ushın materiallıq járdem tólew tártibi haqqında”ǵı reje tastıyıqlandı.

Qararǵa bola, materiallıq járdem Kámbaǵal shańaraqlar reestrine kirgizilgen hám rásmiy bánt bolǵan jalǵız ana (ata) ǵa sociallıq shártnama tiykarında tólenedi.
Onda olardıń mektepke shekemgi bilimlendiriw shólkeminde tárbiyalanıp atırǵan 3 jasqa shekemgi perzent (ler) ine BEMniń 1,5 esesine shekemgi muǵdarda tólep beriledi.
Materiallıq járdem nızamlı wákildiń 3 jasqa shekemgi tek ǵana 1 perzenti (balalar egizek bolsa, egizeklerdiń hár birine) ushın beriledi.
Materiallıq járdem alıw ushın nızamlı wákil “Insan” orayları, Mámleketlik xızmetler oraylarına tikkeley kelip yaki sociallıq xızmetker yaki “Birden-bir milliy sociallıq qorǵaw” málimleme sisteması («BMSQ» AJ), sonday-aq, BSMXP (my.gov.uz) arqalı arza menen múrájat etedi.
Arzada tómendegi maǵlıwmatlar kórsetiledi:
– nızamlı wákildiń puqaralıq biometrikalıq pasportı maǵlıwmatları;
– 3 jasqa shekemgi perzent (ler) iniń tuwılǵanlıǵı haqqındaǵı gúwalıq (lar) ınıń maǵlıwmatları;
– mobil telefon nomeri;
AJ “Xalıq banki” bankinde ashılǵan bank kartası maǵlıwmatları.
Materiallıq járdem esabat ayınan keyingi aydıń 10-sanına shekem nızamlı wákillerdiń “sociallıq karta”larına, olar bolmaǵanda, AK “Xalıq banki”nde ashılǵan bank kartalarına ótkerip beriledi,-dep málimleme beredi xabar.uz saytı.

Qaraqalpaqstan xabar agentligi