Ózbekstan Respublikası Prezidenti Shavkat Mirziyoev Túrkmenstan Prezidenti Serdar Berdimuhamedovtıń mirát etiwine bola 4-avgust kúni BMShtıń Teńizge shıǵıw imkaniyatı joq rawajlanıp atırǵan mámleketler boyınsha úshinshi konferenciyasına qatnasıw ushın ámeliy sapar menen usı mámleketke jónep ketti.

Avazada bolıp ótetuǵın konferenciyada transport jaǵınan óz-ara baylanıslılıqtı bekkemlew hám sawda tártip-qaǵıydaların ápiwayılastırıw, ekonomikalıq transformaciya, klimat ózgeriwi hám qorshaǵan ortalıq ushın qáwip-qáterlerge shıdamlılıqtı arttırıw, Turaqlı rawajlanıw maqsetlerine erisiw máseleleri kórip shıǵıladı.
Avaza siyasiy deklaraciyası hám háreketler baǵdarlamasınıń qabıl etiliwi názerde tutılǵan.
Sonday-aq, Prezidentimiz Oraylıq Aziya mámleketleri basshılarınıń jetinshi Másláhát ushırasıwına tayarlıq kóriw máselelerine baǵıshlanǵan ilajda qatnasadı hám bir qatar eki tárepleme sóylesiwler ótkeredi.

ÓzA