Biz qartayıwdı áste-aqırın, waqıttıń ótiwi menen júz beretuǵın tábiyiy process dep bilemiz. Biraq zamanagóy ilim bul kózqarastı ózgertip atır.

Jaqında ilimpazlar ótkergen úlken izertlewler sonı kórsetti – insan denesiniń qartayıw procesi belgili bir jaslarda keskin tezlesedi.
➤ Birinshi áhmiyetli basqısh – 44 jas.
Bul jasqa jetkende organizmimizdegi kóplegen sistemalarda – atap aytqanda júrek, qan aylanıw, metabolizm hám teri dúzilisinde ayrıqsha ózgerisler baslanadı. Kópshilik bul dáwirde ózin sharshaw, energiyanıń azayıwı, teriniń bosasıwı yamasa bulshıq etlerdiń hálsizleniwi menen sezedi.
➤ Keyingi basqısh – 50 jas átirapında.
Áyne usı dáwirde júrek hám qan tamır sisteması tezirek qartayıwdı baslaydı. Ilimpazlar bul jasta organizmdegi 40 tan aslam beloklar óz dúzilisin ózgertip, keselliklerge tiykar jaratatuǵının anıqlaǵan.
➤ Hám aqırında – 60 jastan keyingi dáwir.
Bul jasta immunitet tómenleydi, búyrek iskerligi tómenleydi, teri jáne de qurǵaqlasadı hám bulshıq etler kúshsizlenedi.
Biraq eń áhmiyetlisi – bul basqıshlar óz waqtında anıqlansa hám salamat turmıs tárizine ótilse, qartayıw procesin sezilerli dárejede tómenletiw múmkin.
Qartayıw – bul toqtatılmaytuǵın process. Biraq onı qadaǵalaw, onı tómenletiw – bul biziń qolımızda. Ásirese 44, 50 hám 60 jastan baslap salamatlıǵımızǵa itibardı kúsheytiw – uzaq hám belsendi ómir girewi bolıp esaplanadı.

Fardona Yaxshiboeva, Abror Sodiqov, Uluǵbek Twxtaev,
ÓzAnıń xabarshıları