Mámleketimiz basshısınıń qararına tiykarlanıp, Ózbekstan Ǵárezsiz Mámleketlerdiń Doslıq Awqamı (ǴMDA) Korrupciyaǵa qarsı gúresiw boyınsha mámleketleraralıq keńesin dúziw haqqındaǵı kelisimge rásmiy túrde qosıldı.

Qararǵa bola, Korrupciyaǵa qarsı gúresiw agentligi usı xalıqaralıq shártnamanı ámelge asırıw ushın juwapker uyım sıpatında belgilendi hám Agentlik direktorı keńes aǵzası etip tayınlandı.
Keńes ǴMDA Mámleket basshıları keńesine esap beredi hám májilisleri jılına keminde bir márte ótkeriledi.
Keńestiń tiykarǵı wazıypaları qatarına korrupciyaǵa qarsı gúresiw boyınsha maqsetli baǵdarlamalar hám usınıslar islep shıǵıw, aǵza mámleketler arasında málimleme almasıwdı jolǵa qoyıw, korrupciyaǵa qarsı gúresiw tarawında kadrlar tayarlaw hám olardıń mamanlıǵın arttırıw, birgeliktegi ilimiy-izertlew jumısların shólkemlestiriw arqalı korrupciyaǵa baylanıslı mashqalalardı sheshiw sıyaqlılar kiredi.
Mámleketimizdiń bul keńeske aǵza bolıwı korrupciyaǵa qarsı gúresiw boyınsha jıllıq strategiyanı jáne de bekkemlew, bul baǵdardaǵı nátiyjelilikti arttırıw hám xalıqaralıq birge islesiwdi rawajlandırıwǵa xızmet etedi.

N.Abduraimova, ÓzA