Senattıń jalpı májilisinde “Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında”ǵı nızam kórip shıǵıldı.

Nızamdı dodalaw procesinde mámleketimiz máplerin qorǵaw hám qáwipsizligin támiyinlew tarawındaǵı jámiyetlik qatnasıqlardı huqıqıy jaqtan tártipke salıwdıń turaqlılıǵın támiyinlew sapası hám nátiyjeliligin arttırıw dıqqat orayında ekeni atap ótildi.
Xalıqtı hám aymaqlardı tábiyǵıy jáne texnogen xarakterdegi ayrıqsha jaǵdaylardan qorǵaw tarawında anıq maqsetke qaratılǵan keń kólemli jumıslar alıp barılmaqta.
Sonıń menen birge, arnawlı júkler hám áskeriy quramlardıń tranziti menen baylanıslı ruxsatnamalardı beriw tártibin ápiwayılastırıw, sonday-aq, klimat ózgeriwi menen baylanıslı tábiyǵıy apatshılıqlar qáwpin azaytıw hám ayrıqsha jaǵdaylar nátiyjesinde jetkerilgen zıyandı bahalaw mexanizmlerin anıq belgilew zárúrligi júzege kelmekte.
Ámeldegi “Arnawlı júkler hám áskeriy quramlardıń tranziti haqqında”ǵı nızamda tranzit ruqsatnamasın beriw yamasa onı beriwdi biykarlaw haqqındaǵı qarar arza alınǵan kúnnen baslap 30 kúnnen aspaytuǵın múddette qabıl etiliwi, zárúr jaǵdaylarda bolsa bul múddet sozdırılıwı múmkin ekenligi belgilengen.
Usı múnásibet penen nızam menen “Arnawlı júkler hám áskeriy quramlardıń tranziti haqqında”ǵı nızamǵa tranzit ruqsatnamasınıń ámel etiw múddeti kóbi menen 90 kún etip belgilenbekte.
Ámeldegi nızamshılıqtaǵı boslıqlardı saplastırıw maqsetinde tranzit ruxsatnamasın beriw yamasa onı beriwdi biykarlaw haqqındaǵı qarar arza alınǵan kúnnen baslap jigirma kúnnen aspaǵan múddette qabıl etiliwi názerde tutılıp, bul múddetti sozdırıwǵa tiykar bolatuǵın jaǵdaylar hám sozdırıw múmkin bolǵan múddet shegarası anıq belgilep qoyılmaqta.
Nızam menen “Xalıqtı hám aymaqlardı tábiyǵıy jáne texnogen xarakterdegi ayrıqsha jaǵdaylardan qorǵaw haqqında”ǵı nızamǵa da tiyisli ózgerisler hám qosımshalar kirgizilmekte.
Senatorlar maqullaǵan nızam arnawlı júkler hám áskeriy quramlardıń tranziti kólemin arttırıwǵa, xalıqtı hám aymaqlardı ayrıqsha jaǵdaylardan qorǵaw tarawındaǵı qatnasıqlardı tártipke salıwdıń huqıqıy tiykarların bekkemlewge xızmet etedi.

N.Abduraimova, ÓzA