Usı jıl 30-iyuldaǵı “Xalıqaralıq shártnamanı tastıyıqlaw haqqında”ǵı Prezident qararına bola, 2025-jıl 12-mart kúni Parij qalasında qol qoyılǵan ayırım xalıqaralıq shártnamalar tastıyıqlandı.

Olar:
– Ózbekstan Húkimeti menen Franciya Húkimeti arasında diplomatiyalıq pasport iyelerin qısqa múddetli viza talaplarınan óz-ara azat etiw haqqındaǵı kelisim;
Ózbekstan Húkimeti menen Franciya Húkimeti arasında rásmiy wákilxanalar xızmetkerleriniń shańaraq aǵzaları tárepinen haqı tólenetuǵın jumıstı ámelge asırıw haqqındaǵı kelisim.
Sırtqı isler ministrligi usı xalıqaralıq shártnamalardı ámelge asırıw ushın juwapker wákillikli uyım etip belgilendi.
Ministrler Kabineti jáne tiyisli ministrlikler hám uyımlardıń basshıları usı xalıqaralıq shártnama kúshke kirgennen soń belgilengen tártipte onıń qaǵıydalarınıń ámelge asırılıwı ústinen qadaǵalawdı támiyinleydi,-dep málimleme beredi xabar.uz saytı.

Qaraqalpaqstan xabar agentligi