Hindstannıń Goa qalasında fizikalıq imkaniyatı sheklengen shaxmatshılar arasında ótkerilgen XXIV Jáhán chempionatında Ózbekstan saylandı komandası aǵzaları 5 medalǵa iye boldı.

Keshe Xalıqaralıq shaxmat federaciyası sistemasındaǵı shólkemler hám Hindstan paralimpiya komiteti menen birgelikte shólkemlestirilgen jáhán chempionatında múnásip qatnasqan erk-ıqrar hám mártlik iyesi bolǵan shaxmatshılarımız Tashkent xalıqaralıq aeroportında saltanatlı kútip alındı.

Sıylıq qorı 15 mıń AQSh dolların quraǵan jáhán chempionatında 16 mámleketten 89 jigerli shaxmatshı qatnastı. Olar menen bolıp ótken bellesiwlerde saylandı komandamızdıń aǵzaları Urolbek Normwminov rapid baǵdarında altın, standartta gúmis, Abdurahmon Azimjonov standart hám blic baǵdarında bronza, Nurmuhammad Ergashov rapidte bronza medallarına iye boldı.

Kútip alıw máresiminde atap ótilgenindey, márt para shaxmatshılarımızdıń bul tabısı Ózbekstan jaslarınıń aqıl-oyınıń qanshelli joqarı ekeninen dárek beredi.

T.Rwziev, ÓzA