Qánigelestirilgen mekteplerde de anıq pánlerden kiriw imtixanları bolıp ótpekte. Bul processler Bilim hám kónlikpelerdi bahalaw agentliginiń Qaraqalpaqstan Respublikası bólimi, Qaraqalpaq mámleketlik universitetiniń sport sarayı, Nókis qalası, 1-sanlı qánigelestirilgen mektep-internattıń sport zalı hám Nókis qalasındaǵı 2-sanlı qánigelestirilgen mektep-internattıń sport zalında bolıp ótpekte.

Bul basqıshta Qaraqalpaqstan Respublikasınan jámi 10 mıń 100 oqıwshı dizimnen ótken. Ata-analar ushın test processlerin onlayn baqlaw imkaniyatı jaratılǵan. Kiriw imtixanı sorawların sheshiw ushın jámi 105 minut waqıt ajıratıldı.

Oqıwshılardıń hár biri qálem, ruchka, óshirgish hám ishimlik suwı menen támiyinlengen bolıp, imtixandı orınlaw ushın barlıq qolaylı sharayatlar jaratılǵan. Sonday-aq, kiriw imtixanlarına Milliy gvardiya, Ishki isler hám Densawlıqtı saqlaw xızmetkerleri de tartılıp, olar jámiyetlik tártipti saqlaw, qatnasıwshılardıń densawlıǵı menen baylanıslı jaǵdaylarda biyǵárez járdem bermekte.

Qánigelestirilgen bilimlendiriw mákemeleri agentligi sistemasındaǵı mekteplerge kiriw imtixanları 12-iyul kúnine shekem dawam etedi.

ÓzA