“Zagulba” rezidenciyasında Ázerbayjanǵa mámleketlik sapar menen kelgen Ózbekstan Respublikası Prezidenti Shavkat Mirziyoevti rásmiy kútip alıw máresimi boldı.

Rezidenciya aldındaǵı maydanda eki mámlekettiń bayraqları kóterildi, húrmetli qarawıl sap tarttı.

Joqarı mártebeli miymandı Ázerbayjan Respublikası Prezidenti Ilham Aliev qızǵın kútip aldı.

Mámleketlik gimnler jańladı. Áskeriy orkestr sazları astında húrmetli qarawıl mámleket basshılarınıń aldınan sap tartıp ótti.

Birgelikte súwretke túsiwden soń Ózbekstan hám Ázerbayjan Prezidentleriniń tar sheńberdegi ushırasıwı baslandı.