Ózbekstannıń sırtqı sawda aylanısında Shanxay Birge islesiw Shólkemi mámleketleriniń úlesi sońǵı 3-4 jılda 50-51 procentti quramaqta. Mámlekettiń ShBShdaǵı qatnasında sawdadan tısqarı jáne bir áhmiyetli tárepi bar. Tashkentte ShBShnıń regionallıq antiterror orayı jaylasqan. Bul bolsa óz-ara qáwipsizlikti támiyinlewde Ózbekstannıń ornı áhmiyetli ekenligin kórsetedi. Ulıwma, shólkem shólkemlestirilgennen berli Ózbekstan onıń jumısında belsene qatnasıp kelmekte. ShBSh sheńberinde sawda, infrastruktura hám transport tarmaqların rawajlandırıw jáne aǵza mámleketler arasında ekonomikalıq baylanıslardı keńeytiwge qaratılǵan kóplegen baslamalardı alǵa qoyǵan.

ShBSh jumısı onıń Cindaodaǵı shtab-kvartirasınan muwapıqlastırıladı. Onıń bir neshe aymaqları bar. 108 kvadrat kilometr maydanda transport logistika sisteması, teńiz portı, temir jol hám arnawlı aeroport jaylasqan. Olardıń barlıǵı birden-bir basqarıwǵa birlestirilgen. Bul jerde Evroaziya mámleketleri menen ShBSh sheńberinde tovar almasıw shólkemlestirilgen. 23 mámleketke tovarlar usı jerden jiberiledi hám kerisinshe usı jerge alıp kelinip keyin tarqatıladı. Onıń quramında Pearl International Expo Center  – ShBShnıń turaqlı jumıs alıp baratuǵın xalıqaralıq kórgizbesi jumıs alıp barmaqta. Jáne bir tárepi sonda, xalıqaralıq ekonomikalıq baylanıslar qánigelerin oqıtıw hám mamanlıǵın arttırıw ushın bul jerde qánigelesken institut ta ashılǵan.

Oray ShBSh sheńberindegi barlıq dárejede shólkemlestiriletuǵın ushırasıwlardı muwapıqlastıradı, logistika hám tovar almasıwdı qollap-quwatlaydı, ilimiy-izertlew hám bilimlendiriw tarawın júrgizedi jáne forum, kórgizbeler shólkemlestiredi. Solay etip, Cindao ShBShnı háreketke keltiretuǵın áhmiyetli qalaǵa aylandı.

Búgin bul jerde Shanxay Birge islesiw Shólkemine aǵza mámleketlerdiń jurnalistleriniń qatnasıwında «Ullı jipek jolı birlestiredi, ShBSh óz-ara paydaǵa jetekleydi» súreni astında mediaforum óz jumısın baslaydı.

Muhammadjon Obidov, ÓzA

Cindao, Qıtay