Kishi hám orta biznesti qollap-quwatlaw, isbilermenlerdiń jumıslarında payda bolıp atırǵan mashqalalardı ornında úyrenip sheshim tabıw búgingi kúnniń áhmiyetli wazıypalarınan biri bolıp esaplanadı.

Usı maqsette Qaraqalpaqstan Respublikası Salıq basqarması tárepinen orınlarda isbilermenler menen ashıq pikirlesiwler jolǵa qoyılǵan bolıp, gezektegi ushırasıw Ámiwdárya rayonında bolıp ótti.

Atap aytqanda, isbilermenler tárepinen salıq jeńilliklerinen paydalanıw tártibi, salıq esabatların usınıwdaǵı mashqalalar, qurılısı juwmaqlanbaǵan obektlerge salıq esaplaw, sonday-aq, QQS boyınsha keri ayırmashılıq summasınıń qaytarılıwı sıyaqlı áhmiyetli máseleler kóterildi.

Usı sıyaqlı júzbe-júz sóylesiwlerde isbilermenlerdiń mashqalalarına tikkeley sheshim tabıw, mámleketlik uyımlar hám isbilermenler arasındaǵı isenimli birge islesiwdi ele de bekkemlewde áhmiyetli faktor bolıp xızmet etedi.

Ashıq pikirlesiwde mashqalalarǵa sheshim izlenip, pikir-usınıslar bildirildi. Qatnasıwshılar qánigelerden ózlerin qızıqtırǵan sorawlarǵa juwap aldı.

Qaraqalpaqstan xabar agentligi.