“Ekonomika hám qarjı ministrligi janındaǵı Ǵaznashılıq xızmeti komiteti hám byudjetten tısqarı Pensiya qorı tárepinen zamanagóy xızmetlerdi engiziw ilajları haqqında”ǵı Prezident Pármanı qabıl etildi.

-Pármanǵa bola, pensiya hám ǵaznashılıq jumısına zamanagóy xızmetlerdi engiziwdiń tiykarǵı baǵdarları hám maqsetleri etip tómendegiler belgilendi, sonıń ishinde:

– ǵaznashılıq hám pensiya támiynatı sistemaların sanlastırıw hám avtomatlastırıw arqalı aymaqlarda ıqsham xızmet kórsetiw ofislerin shólkemlestiriw;

-puqaralarǵa kórsetiletuǵın xızmetlerdi tolıq elektron hám proaktiv túrge ótkeriwge erisiw.

-Pármanǵa bola, 2026-jıl 1-iyulden ǵazna sistemasındaǵı processlerdi avtomatlastırıw esabınan Sanlı ǵazna sisteması engiziledi.

-2026-jıl 1-dekabrden pensiya sistemasında tómendegi processlerdi avtomatlastırıw arqalı:

-Puqaralardıń házirgi miynet stajı hám miynet haqıları haqqındaǵı elektron maǵlıwmatlarǵa tiykarlanıp pensiya muǵdarların aldınnan anıqlaw boyınsha “Meniń pensiyam” onlayn xızmeti engiziledi;

-pensiya támiynatına baylanıslı barlıq xızmetler tolıq proaktiv, elektron hám interaktiv formaǵa ótkeriledi,-dep málimleme beredi xabar.uz saytı.

Qaraqalpaqstan xabar agentligi