Prezident Shavkat Mirziyoevtiń jaslar menen ushırasıwı dawam etpekte.

Usı jıldıń fevral ayında ótken ushırasıwda jaslar ushın 40 tan aslam jańa baslamalar járiyalanıp, derlik 500 million dollar ajıratıldı.
Bıyıl 35 milliard dollarlıq 8 mıń 300 joybar iske qosılıp, 292 mıń jumıs ornı jaratıladı. Jáne 500 mıń jumıs ornın jaratatuǵın 83 milliard dollarlıq joybarlar rejelestirilgen.
Máselen, energetikada 20 milliard, neft-gaz hám ximiyada 11 milliard, taw-kánde 7 milliard, elektrotexnika hám avtomobil qurılısında 4,5 milliard dollarlıq mıńlaǵan kárxanalar iske qosıladı.
Jumıslar baslanıwı menen “jasıl” ekonomika, “jasıl” energetika, sanlı geologiya, texnologiyalıq minerallar, bio-injeneriya baǵdarlarında mıńlaǵan qánigelerge talap payda boladı.
– Jańa texnologiyalar ásirinde kim utadı? Tek ǵana kreativ pikirleytuǵın, zamanagóy bilim hám kásiplerdi iyelegen qánigeler. Kúsh-ǵayratıńızdı kórip turman, álbette siz, jaslar bul kárxanalardı basqarıp, úlken-úlken oylap tabıwlar isleysiz, olarǵa innovaciyalardı alıp kelesiz! Sonıń ushın, házirden-aq bunday joybarlar ushın kadrlar tayarlawdı baslaymız, – dedi Prezident.

ÓzA