Prezident Shavkat Mirziyoevtiń jaslar menen ushırasıwı dawam etpekte.

-Bir nárseni anıq túsinip alıw zárúr. Balanıń jamanı bolmaydı. Olarǵa úlkenlerdiń mehiri, imkaniyatların kórsetiw ushın sharayat, ózine isenim bolıwı ushın motivaciya kerek, – dedi Prezidentimiz sóziniń dawamında.
Mısal ushın, Isbilermenlik jámiyetlik keńesiniń aǵzaları – 108 “chempion” isbilermen ózleriniń 308 kárxanası átirapındaǵı mekteplerge barıp, joqarı klass oqıwshıların kásipke qızıqtırıp atırǵanı qanaatlanıwshılıq penen atap ótildi.
Eń áhmiyetlisi, bul oqıwshılardıń kópshiligi keleshekte ómirin qaysı kásipke baylanıstırıw haqqında anıq túsinikke iye bolmaqta.
-Bunday intaker, pidayı, watansúygish isbilermenler – meniń qanatlarım.
Aytıń, jaslardı qollap-quwatlaw, olardı kásipke jetelew, jumıslı hám dáramatlı etiw ushın sizlerge jáne qanday sharayat jaratıp bereyin?
Iri isbilermenlerimiz hákimler menen ushırasıp, usınısların tez kúnde qáliplestirip berse, bulardıń barlıǵın kórip shıǵıwǵa tayarman, – dedi Prezident.

ÓzA