Jaslardıń joqarı oqıw ornına kiriw kórsetkishi boyınsha Surxandárya bir jıl ishinde 11-orınnan 4-orınǵa kóterilip, úlken nátiyje kórsetti. Jizzaq hám Sırdárya da jaqsı nátiyje kórsetpekte.

Eki jıl aldın xalıqaralıq pán olimpiadalarında 7 aymaqtan 45 oqıwshı sıylıq alǵan bolsa, ótken 6 ayda olardıń qatarına Jizzaq, Ándijan, Namangan, Samarqand, Surxandárya, Xorezm, Tashkent wálayatlarınıń oqıwshıları da qosılıp, jámi 166 medal qolǵa kirgizildi.
“Bir million programmist” joybarı sheńberinde 325 mıń jas oqıtıldı. Ásirese, Xorezm, Qashqadárya hám Samarqand jasları ITden úlken dáramat tabıwdı úyrendi.
Jáne bir mısal: ótken jılı 150 mıńnan aslam jaslarımız xalıqaralıq til sertifikatların aldı, bul 2023-jılǵa salıstırǵanda 2 esege kóp.
Shet tillerin jetik biliw boyınsha Tashkent qalası, Ferǵana, Namangan, Buxara hám Samarqand jasları biraz ilgerilep ketti.
Prezident Shavkat Mirziyoevtiń jaslar menen ushırasıwı dawam etpekte.

ÓzA