Mámleketimiz basshısı pútkil Ózbekstan jasların qutlı áyyyam-Jaslar kúni menen qızǵın qutlıqladı.

– Keyingi jıllarda ekonomikamız jedel pátler menen ósip, barlıq tarawlarda imkaniyatlarımız artıp atırǵanında, álbette, siz jaslardıń da múnásip úlesińiz bar.

Bileginde kúsh-ǵayrat, hár bir háreketinde jigerlilik kórinip turǵan jigitlerimizdi, bilim hám ádeplilikte, aqıl-parasatta teńsiz qızlarımızdı kórip, hár qanday xalıq, hár qanday mámleket bizge háwes etse arzıydı.
Úlken-úlken mámleketler, dúnyanıń eń abıraylı kompaniyaları búgin bizge nege isenedi? Ne ushın milliardlap dollar investiciya kirgizbekte?
Bul, álbette, biykarǵa emes. Sebebi, birge islesiwshilerimiz jaslarımızdıń ilim, bilimlendiriw, IT, mádeniyat, kórkem óner hám sporttaǵı jetiskenliklerin kórip, potencialımızǵa baha bermekte, erteńgi kúnimizdiń tiykarı bekkem ekenine isenim payda etpekte,-dedi Prezidentimiz.

ÓzA