Búgingi kúnde Ózbekstan milliy metrologiya institutında bir qatar laboratoriyalar jumıs alıp barmaqta. Olardan biri waqıt hám jiyilik laboratoriyası bolıp tabıladı.

Ózbekstan Respublikası Prezidentiniń 2017-jıl 28-apreldegi hám 2018-jıl 12-dekabrdegi qararlarınıń orınlanıwın támiyinlew maqsetinde Ózbekstan texnikalıq jaqtan tártipke salıw agentligi janındaǵı Ózbekstan milliy metrologiya institutında waqıt hám jiyilik etalonı jaratılǵan.
Xosh, bul laboratoriya jumısı nelerden ibarat? Ózbekstanda anıq waqıt signalı qalay qáliplestiriledi?
– Bul laboratoriyada búgingi kúnde respublikamızdaǵı eń anıq waqıt signalları qáliplestiriledi, – deydi Ózbekstan milliy metrologiya institutınıń Radiotexnikalıq shamalar, ionlastırıwshı nurlanıwlardı ólshew hám zıyansız tekseriw bóliminiń baslıǵı Sheroz Ismatullaev. – Búgingi kúnde Ózbekstan Respublikasınıń anıq waqıt shkalası Ózbekstan milliy metrologiya institutında jumıs alıp barıp atırǵan waqıt hám jiyilik laboratoriyası tárepinen payda etiledi.
Elimizdegi sanaat tarmaqlarına anıq waqıt signalların uzatıp beriw ushın Túrkiya milliy metrologiya institutı menen birgelikte waqıt hám jiyilik etalonın iske qosqanbız. Bul etalon bir waqıttıń ózinde anıq waqıt shkalası boyınsha waqıt signalların payda etedi.
Bunnan tısqarı respublikamızda ámeldegi telekommunikaciya, málimleme qáwipsizligi, qorǵanıw hám bank operaciyaları tarawında paydalanılatuǵın ólshew qurallarınıń neytral kesilisiwinen ótkeriwde paydalanıladı.
Bul laboratoriya mámleketimiz ushın jańa esaplanadı. Yaǵnıy 2024-jılǵa shekem Ózbekstanda milliy waqıt shkalası bolmaǵan.
Sáwbetlesiwdiń tolıq bólimin ÓzAnıń YouTube kanalında kóriwińiz múmkin.

N.Rahmonova,
D.Yoqubov (video), A.Ahmedov (montaj), ÓzA