“Aymaqlıq elektr tarmaqları” AJ Qaraqalpaqstan aymaqlıq filialında kárxana tárepinen bıyılǵı jıldıń ѳtken dáwirinde ámelge asırılǵan jumıslar, tutınıwshılarǵa elektr energiyasın jetkerip beriwdegi jańalıqlar hám aldaǵı gúzgi-qısqı máwsimge tayarlıq jumıslarınıń barısına baǵıshlanǵan baspasóz konferenciyası bolıp ótti.

Filial tárepinen 2025-2026-jıldıń gúzgi-qısqı máwsimine tayarlıq kóriw maqsetinde 2411,3 kilometrlik elektr uzatıw tarmaqları, 730 dana transformator punktlerine iri ońlaw hám 4528,2 kilometrlik elektr uzatıw tarmaqları menen 1571 transformator punktlerine kishi ońlaw jumısların ámelge asırıw rejelestirilgen.
2025-jıldıń yanvar-may aylarınıń rejesi boyınsha iri ońlawǵa 990,5 kilometrlik elektr uzatıw tarmaqları, 317 transformator punktleri kirgizilgen bolıp, sonnan ámelde 1089,1 kilometrlik elektr uzatıw tarmaqlarına hám 345 transformator punktlerine iri ońlaw jumısları alıp barıldı.
Respublikamız boyınsha 2025-jılı mámleketlik qararlar tiykarında, jámi 0,4-110 kV.lı elektr uzatıw tarmaqların jańadan qurıw hám rekonstrukciyalaw jumısları, jámi 9459 temir-beton baǵanaları, 401 km. 0,4-6/10kV, 37,5 km. 110kV.lıq elektr uzatıw tarmaqları hám 1 dana podstanciya, 88 dana transformator punktlerin jańadan qurıw hám rekonstrukciyalaw jumısların islew rejelestirilgen. Búgingi kúnde ámelde jámi 6019 temir beton baǵanaları, 0,4-6/10kV – 312,3 km, 35-110kV – 10.0 km. elektr uzatıw tarmaqları hám 1 podstanciya, 60 transformator punktlerin qurıw hám ońlaw jumısları ámelge asırılıp, “Ózenergoinspekciya” Qaraqalpaqstan Respublikası basqarması tárepinen qabıl etildi. Qurılıs-montajlaw jumısları dawam etpekte.
Bul jumıslardıń tabıslı orınlanıwı nátiyjeside jámi 15200 den aslam shańaraqtıń elektr energiya menen támiyinleniwi jaqsılanadı.
Ilajda qatnasıwshılar qánigelerden ózlerin qızıqtırǵan sorawlarǵa juwap aldı.

Á.Jiyemuratov,
Qaraqalpaqstan xabar agentligi