Korrupciya, aldawshılıq, basqalardıń isenimine kirip olardıń múlkin aldaw jolı menen ózlestiriw sıyaqlı jınayatlardıń aldın alıw maqsetinde ǵalaba xabar quralları arqalı hám orınlarda keń jámiyetshilik arasında ótkerilip atırǵan ilajlarǵa qaramastan elege shekem usınday jınayatqa qol urıp atırǵanlardıń ushırasıp atırǵanı ashınarlı jaǵday.

Departamenttiń Shomanay rayonlıq bólimi, MQX QRB hám QR IIM tárepinen ótkerilgen gezektegi operativ ilaj dawamında Berdaq atındaǵı Qaraqalpaq mámleketlik universitetiniń ofis menedjeri A.N. xızmet lawazımınan paydalanǵan halda puqara P.Q.nıń isenimine kirip, joqarı lawazımdaǵı basshılar arqalı onı bir million sum esabınan bir hápte dawamında oqıwǵa kelmegeni ushın, sonday-aq, bir yarım million sum esabınan imtixanlardan ótkerip beriwdi wáde etip, Nókis qalası Sh.Abdirov kóshesi boyında jámi eki yarım million sum puldı alıp atırǵan waqtında ayǵaqlı dáliller menen jınayat ústinde qolǵa alındı.
Jaǵday boyınsha A.N.ǵa Jınayat kodeksiniń tiyisli statyaları menen jınayat isi qozǵatılıp, házirgi waqıtta dáslepki tergew, sorastırıw jumısları alıp barılmaqta.

Qaraqalpaqstan xabar agentligi