Ukraina Prezidenti Vladimir Zelenskiy Gaagadagi NATO jetekshileri sammiti sheńberinde AQSh jetekshisi Donald Tramp penen ushırastı. Bul haqqında sociallıq tarmaq arqalı málim etilgen.

Zelenskiy Tramp penen uzaq hám mazmunlı ushırasıw ótkergenin atap ótken:
– Áhmiyetli máseleler kóterildi. Mırza Prezidentke hám AQShqa minnetdarshılıq bildiremen. Biz oq atıwdı toqtatıw hám haqıyqıy tınıshlıqqa erisiw jolların dodaladıq. Xalqımızdı qalay qorǵaw múmkin ekenligi haqqında sóylestik. Biz ayrıqsha itibar hám tınıshlıqtı jaqınlastırıwǵa umtılıwǵa tayarlıqtı qádirleymiz.

Qaraqalpaqstan xabar agentligi