“Montsame” málimleme agentliginiń betlerinde mámleketimiz basshısınıń usı mámleketke saparı tolıq sáwlelendirilmekte.

Basılımnıń málim etiwinshe, Mámleketlik sarayda Ózbekstan Respublikası Prezidenti Shavkat Mirziyoev hám Mongoliya Prezidenti Uxnaagiyn Xurelsux tar sheńberde hám rásmiy delegaciyalardıń qatnasıwında sóylesiwler ótkergen.
– Mongoliya Oraylıq Aziya mámleketleri, atap aytqanda, Ózbekstan menen doslıq baylanıstı bekkemlew, barlıq tarawlarda birge islesiw kólemin keńeytiw tárepdarı ekeni atap ótildi, – dep jazadı avtor. – Prezidentlerdiń bir jıl ishinde ámelge asırǵan óz-ara mámleketlik saparları eki xalıq doslıǵın bunnan bılay da bekkemleytuǵınına isenim bildirildi.
Ózbekstan jetekshisiniń eki tárepleme qatnasıqlar tariyxındaǵı bul birinshi saparı Mongoliyaǵa kóp táreplemeli baylanıslardı rawajlandırıwda jańa basqıshtı baslap beretuǵını ayrıqsha atap ótildi. Prezidentimiz kútip atırǵan tárepti jaqınlasıp kiyatırǵan Xalıq revolyuciyası kúni menen de qutlıqladı.
Sóylesiw dawamında qatnasıqlardı bunnan bılay da rawajlandırıwǵa baylanıslı áhmiyetli máseleler kórip shıǵıldı.

ÓzA