2025-jıldıń ónimi ushın Qońırat rayonında 3700 gektar maydanǵa biyday egilip, ulıwma esapta 25 mıń 900 tonna ǵálle jetistiriw rejelestirilgen.

Máwsim dawamında orım-jıyın jumısların shólkemleskenlik penen ótkeriw maqsetinde rayonda 12 orım-jıyın brigadası dúzildi.
Fermer xojalıqları hám dán kárxanası arasında 11 mıń 100 tonna ǵálle tapsırıw boyınsha shártnamalar dúzilgen bolıp, házirgi waqıtta olardıń orınlanıwı boyınsha qızǵın jumıslar alıp barılmaqta.
Atap aytqanda, O.Qurbaniyazov atındaǵı awıl puqaralar jıyını aymaǵında jaylasqan “Muhammad” fermer xojalıǵında usı jılǵı ónim ushın 15 gektar maydanǵa biyday egilgen. Fermer xojalıǵı dán kárxanası menen 45 tonna ǵálle jetkerip beriw boyınsha shártnama dúzgen. Ǵálle tárbiyası dawamında barlıq agrotexnikalıq ilajlar óz waqtında hám sapalı orınlanǵanınıń nátiyjesinde joqarı zúráát toplawǵa erisildi.
Búgingi kúnde “Muhammad” fermer xojalıǵı belgilengen shártnamalıq rejelerdi tolıq orınlaw aldında tur.
Rayondaǵı barlıq fermer xojalıqları tárepinen ámelge asırılıp atırǵan sistemalı hám juwapkershilikli qatnas, ǵálle jetistiriw hám tapsırıw boyınsha belgilengen wazıypalardıń óz waqtında orınlanıwın támiyinlemekte.

Qaraqalpaqstan xabar agentligi