Ózbekstan Xalıqaralıq metrikalıq Konvenciyaǵa (Parij, 1875-jıl 20-may, 1907-jıl 17-oktyabrdegi, 1913-jıl 11-oktyabrdegi hám 1921-jıl 6-oktyabrdegi ózgerisler hám qosımshalar menen) qosılıwı kútilmekte.

Xalıqaralıq metrikalıq Konvenciyaǵa 1875-jılı Parij qalasında bolıp ótken diplomatiyalıq konferenciya sheńberinde 17 mámlekettiń wákilleri tárepinen qol qoyılǵan. Házirgi kúnge kelip Konvenciyada 64 mámleket, sonıń ishinde, Túrkiya, Franciya, Germaniya, Qazaqstan, Qıtay, Koreya, Yaponiya qosılǵan hám 37 mámleket, atap aytqanda, Ózbekstan shólkemlesken aǵza sıpatında qatnaspaqta.
Usı konvenciyaǵa qosılıw nátiyjesinde mámleketimizdiń sawda-ekonomikalıq potencialı jáne de artadı, Jáhán sawda shólkemine aǵza bolıwı jolındaǵı jumıslar jedellesedi. Yaǵnıy xalıqaralıq sawda máseleleri, sonıń ishinde, eksport-import tarawınıń ajıralmas bólegi bolǵan metrologiya tarawında xalıqaralıq birge islesiw sezilerli dárejede keńeyedi, bar texnikalıq tosqınlıqlar azayadı.
Oliy Majlis Nızamshılıq palatasındaǵı Ózbekstan Ekologiyalıq partiyası frakciyasınıń májilisinde «Xalıqaralıq metrikalıq Konvenciyaǵa (Parij, 1875-jıl 20-may, 1907-jıl 17-oktyabrdegi, 1913-jıl 11-oktyabrdegi hám 1921-jıl 6-oktyabrdegi ózgerisler hám qosımshaları menen) Ózbekstan Respublikasınıń qosılıwı haqqıenda»ǵı nızam joybarı kórip shıǵıldı.
Xalıq wákilleri Xalıqaralıq metrikalıq Konvenciyaǵa qosılıwdıń áhmiyeti, áhmiyetli tárepleri hám imkaniyatları haqqında óz pikir -usınısların bildirdi. Atap ótilgenindey, usı Konvenciyaǵa qosılıw mámleketimizde ótkerilgen ólshewler nátiyjeleriniń xalıqaralıq dárejede tán alınıwına erisiw hám sawda hám eksport potencialın jáne de arttırıwǵa xızmet etiwi menen áhmiyetli.
Májiliste jáne bir qatar nızam joybarları kórip shıǵılıp, tiyisli qararlar qabıl etildi.

M.Komilova, ÓzA