“Wálayattaǵı ózgerislerdi kórip, adamlar menen sóylesip, reformalarımız olardıń turmısına jedel kirip atırǵanına jáne bir márte isenim payda ettim. Aldınları bir wálayattaǵı ózgerisler menen tanısıwǵa bir kún jeter edi. Usı kúnlerge jetip keldik, házir bir rayonǵa bir hápte de az,” – dedi mámleketimiz basshısı.

Segiz jıl aldın wálayat sanaatınıń yarımınan kóbi neft-gaz hám ximiya tarmaǵı kárxanalarına tuwra kelgeni, ótken dáwirde elektrotexnika, qurılıs materialları, toqımashılıq, mebel islep shıǵarıw tarawlarında úlken sekiriw bolıp, házirgi waqıtta bul tarmaqlardıń sanaattaǵı úlesi 54 procentti qurap atırǵanı atap ótildi.
Biraq islengen jumıslar menen sheklenip qalmastan, jáne de joqarı pát penen islew kerek ekenligi kórsetip ótildi.
Prezidentimiz usı hápte basında hákimlerge joqarıdan tapsırma kútpey, ózi baslama kóterip, proaktiv jumıs islewge ótiw boyınsha anıq wazıypalardı belgilep bergenin eskertti. Qashqadáryada ele iske qosılmaǵan keminde 15 milliard dollarlıq potencial bar. Bul imkaniyatlardıń keminde úshten bir bólegi joybarǵa aylandırılsa, wálayattıń jalpı aymaqlıq ónimin kelesi bes jılda biymálel 10 milliard dollardan arttırıw múmkin ekenligi atap ótildi.
Usı múnásibet penen Qashqadáryada wálayatlıq “Reformalar shtabı” dúziliwi belgilendi.

Qaraqalpaqstan xabar agentligi