Iran Izraildıń hawa aymaǵı ústinen tolıq qadaǵalaw ornatqanın járiyaladı. Málim etiliwinshe, Iran hawa kúshleri Izrailǵa etken túngi hújim waqtında evrey mámleketi aspanı ústinen qadaǵalawdı qolǵa kirgizgen. Islam revolyuciyası saqshıları korpusı jańa birinshi áwlad qurallarınan paydalanǵan halda tabıslı hújim ámelge asırılǵanın málim etti.

Izrail húkimeti Iran menen keskinlik artqanı sebepli puqaralarına mámleketten shıǵıwdı qadaǵan etti. Málim etiliwinshe, húkimet ishki aviakompaniyalarǵa izraillı jolawshılardı xalıqaralıq reyslerge qoymawdı buyırǵan. Oǵan Irannıń Izrail aeroportlarına itimallı hújimi qáwpi sebep bolmaqta. Izraildıń tiykarǵı xalıqaralıq dárwazası bolǵan Ben-Gurion aeroportı “keyingi eskertiwge shekem” jabılǵan.
Dúnyadaǵı eń kóp adam baratuǵın muzey, kórkem óner, gózzallıq hám keńpeyilliktiń global belgisi bolǵan Luvr 16-iyun kúni jabıldı. Xabarǵa bola, jabılıwdıń sebebi urıs hám terror emes, al muzeydiń sharshaǵan xızmetkerleri ekeni aytılmaqta. Olar mákemeniń “ishten qulap atırǵanın” bildirgen hám jumıs taslaw járiyalaǵan. Galereya xızmetkerleri, bilet satıwshılar hám qáwipsizlik xızmetkerleri basqarıp bolmaytuǵın alaman, xızmetkerlerdiń sozılmalı jetispewshiligi hám kásiplik awqamınıń “shıdap bolmaytuǵın” miynet sharayatlarınan narazı.
Rossiya jılına 113 kosmoslıq párwazdı ámelge asırıw arqalı Qıtaydı artta qaldırmaqshı. Mámleket prezidenti Vladimir Putin “Rossiya kosmoslıq jumısın rawajlandırıw” milliy joybarın tastıyıqladı. Bul haqqında “Roskosmos” basshısı málim etti. Joybardı ámelge asırıw ushın mámleketlik byudjetten 4,5 trillion rubl ajıratıladı.
Izrail áskerleri 17-iyun kúni Gaza járdem oraylarında keminde 70 palestinalını tank snaryadları, pulemyotlar hám dronlardan oqqa tutıp, óltirdi. Hádiyse aqıbetinde jáne júzlegen adamlar jaraqatlanǵanı aytılǵan. Izrail hám AQSh tárepinen qollap-quwatlanatuǵın Gaza gumanitarlıq qorında úsh hápteden berli xalıq qırǵının toqtatqanı joq.
Túrkiya qorǵanıw ministri Yashar Gyuler 18-iyun kúni Iran menen shegaralas aymaqqa jaylastırılǵan áskerlerdi kózden ótkerdi. Ministr Van provinciyasındaǵı Bashqala rayonına barǵan. Bul Iran hám Izrail arasındaǵı keskinlik kúsheyip atırǵan bir waqıtta ámelge asqan. Izrail 13-iyun kúni Iran aymaǵına hújim shólkemlestirdi, Tegeran bolsa bul aviahújimge juwap berdi. Jaǵday awır hám tınıshsız bolıp qalmaqta.

Iroda Jwraeva, Uluǵbek Twxtaev, ÓzAnıń xabarshıları