“Jas óspirimlerge baylanıslı jınayıy juwapkershilik jáne de liberallastırılıwı múnásibeti menen Ózbekstan Respublikasınıń Jınayat kodeksine qosımshalar hám ózgerisler kirgiziw haqqında”ǵı nızam qabıl etiliwi kútilmekte.

Bul nızam menen Jınayat kodeksiniń bir qatar statyalarına qosımsha hám ózgeris kirgizilmekte. Sonıń ishinde, on segiz jasqa tolǵanǵa shekem islegen oǵada awır bolmaǵan jınayatı ushın jazanı ótep bolǵan adam sudlanbaǵan, dep esaplanatuǵını belgilenbekte.
Senattıń Jaslar, hayal-qızlar, mádeniyat hám sport máseleleri komiteti májilisinde usılar haqqında sóz boldı.
Nızamda jas óspirimlerge baylanıslı erkin sheklewdiń hám erkinen ayırıwdıń eń az múddeti altı aydan bir ayǵa shekem qısqartılıwı názerde tutılmaqta.
Bul nızam jas óspirimlerdiń jınayıy juwapkershiligin jáne de liberallastırıwǵa xızmet etedi hám on segiz jasqa tolǵanǵa shekem islegen jınayatı ushın jazanı ótep bolǵan adamǵa ómirin sudlanǵanlıq tamǵasınan jıraq tárizde dawam ettiriwi ushın sharayat jaratadı.
Kún tártibine bola, Ministrler Kabinetine jas óspirim balalardıń támiynatı ushın aliment óndiriw hám tólew sistemasın jetilistiriw maqsetinde kórilip atırǵan ilajlar boyınsha jiberiletuǵın parlamentlik soraw joybarı kórip shıǵıldı.
Májiliste tiyisli qarar qabıl etildi.

N.Abduraimova, ÓzA