Qaraqalpaqstan Respublikası Ministrler Keńesiniń Baslıǵı Farhad Ermanov Nókis qalasındaǵı Nawqanbaǵ hám Botanika baǵı mákan puqaralar jıyınlarında bolıp, aymaq turǵınlarınıń mashqalaların tıńladı hám máhálle jetiliginiń jumısı menen jaqınnan tanıstı.

Kóshpeli qabıllawda puqaralar tárepinen ishki jollardı ońlaw, bántlik, kadastr, kommunallıq taraw, túngi jaqtılandırıwlardı ornatıw, emleniw ushın materiallıq járdem hám basqa da máseleler boyınsha múrájatlar bildirildi.
Ushırasıwda puqaralardıń ayırım máseleleri ornında óz sheshimin tapqan bolsa, ayırımları Qaraqalpaqstan Respublikası Ministrler Keńesi Baslıǵınıń jeke qadaǵalawına alındı.
Sonıń menen birge, múddet talap etetuǵın múrájatlar boyınsha jumısshı topar dúzilip, olardı óz waqtında kórip shıǵıw boyınsha taraw juwapkerlerine kórsetpeler berildi.

Adilbay Orazov,
Qaraqalpaqstan xabar agentligi sholıwshısı.