Házirgi kúnde Tashkent qalasında jaylasqan Muhammed al-Xorezmiy atındaǵı tayanısh qánigelestirilgen mekteptiń Nókis, Ándijan, Buxara, Ferǵana, Gúlistan, Jizzaq, Samarqand hám Urgensh qalalarında filialları bar. Basqıshpa-basqısh qalǵan aymaqlarda da usı mekteptiń filialları shólkemlestiriliwi rejelestirilgen.

Talaban bir waqıttıń ózinde Muhammed al-Xorezmiy tayanısh qánigelestirilgen mektebine hám onıń aymaqlardaǵı filiallarına hújjet tapsırıwı múmkin be?
Bul soraw boyınsha Qánigelestirilgen bilimlendiriw mákemeleri agentligi málimleme xızmetiniń baslıǵı Jwrabek Jangirov tómendegilerdi málim etti:
– Talaban Tashkent qalasındaǵı Muhammed al-Xorezmiy atındaǵı tayanısh qánigelestirilgen mektebine yaki óz aymaǵındaǵı usı mekteptiń filialına hújjet tapsırıwı múmkin. Mektepke hújjetler qabıllaw usı jıldıń 20-iyunine shekem dawam etedi.
Maǵlıwmat ornında aytıp ótiwimiz kerek, filiallarǵa da oqıwshılar tayanısh mektep ushın belgilengen tártip tiykarında tańlap alınadı. Oqıwshılar ushın autsoring tiykarında belgilengen tártipte biypul salamat awqatlandırıw shólkemlestiriledi.

ÓzA