Nókis rayonı “Samanbay” awıl puqaralar jıyını aymaǵında jańadan shólkemlestirilgen “Nurılla ata” dem alıw orayınıń saltanatlı ashılıw máresimi bolıp ótti.

Ashılıw saltanatına Nókis rayonı hákimi Z.Zaytov, shólkem hám kárxanalardıń basshıları menen aymaq turǵınları qatnastı.
Ilajda rayon hákimi shıǵıp sóylep, sońǵı jılları elimizde isbilermenlikti rawajlandırıw, investiciyalıq ortalıqtı jaqsılaw hám xalıqqa qolaylı infrastrukturalar jaratıw baǵdarında ámelge asırılıp atırǵan jumıslarǵa toqtap ótti.
Ilaj sheńberinde dem alıw orayınıń dástúriy lentası kesilip, qatnasıwshılar orayda jaratılǵan sharayatlar menen jaqınnan tanıstı.
Jańa dem alıw ornında jası úlkenler hám balalar ushın mólsherlengen shomılıw basseynleri, balıq awlaw kólleri, shańaraq aǵzaları menen birgelikte awqatlanıw orınları sıyaqlı qolaylıqlar jaratılǵan. Sonday-aq, bul orayda 8 puqaranıń bántligi támiyinlendi.

Qaraqalpaqstan xabar agentligi