London kóshelerinde “Ózbekstanǵa xosh keldińiz” degen jazıwlı bannerler menen bezelgen eki qabatlı avtobuslar payda boldı.

Bul akciya Ózbekstannıń Ullı Britaniyadaǵı elshixanasınıń baslaması menen 21-22-iyun kúnleri belgili “Tower Bridge”  maydanında bolıp ótetuǵın “Ózbekstan mádeniyatı hám milliy taǵamları” festivalı sheńberinde shólkemlestirilgen.

Bul ilaj britaniyalılardı Ózbekstannıń bay mádeniy miyrası, turistlik imkaniyatları hám milliy taǵamları menen tanıstırıwǵa qaratılǵan. “Ózbekstan kárwanı” atamasındaǵı mádeniy-gastronomiyalıq marafon házirge shekem London, Edinburg, Manchester, Liverpul, Kardiff hám Oksford qalalarında ótkerildi. Festival sheńberinde xalıq ónermentshiligine baylanıslı prezentaciyalar, folklor jámáátleriniń shıǵıwları, milliy taǵamlardıń degustaciyası hám Ózbekstannıń túrli aymaqların sáwlelendiretuǵın kórgizbeler shólkemlestiriledi.

Bunday baslamalar mádeniy diplomatiyanı rawajlandırıwǵa hám Oraylıq Aziya tariyxı hám ózine tán mádeniyatına qızıǵatuǵın turistlerdi tartıwǵa xızmet etedi.

Aziza Alimova, ÓzA