Oliy Majlis Senatına Malayziya xalıqaralıq isbilermen hayal-qızlar associaciyasınıń prezidenti Norazizah binti Borxan keldi.

Senattıń Jaslar, hayal-qızlar, mádeniyat hám sport máseleleri komitetiniń baslıǵı Orzigul Qazıxanova menen ushırasıwda jaslar hám hayal-qızlardıń hár qıylı tarawlardaǵı huqıqları menen imkaniyatların keńeytiw boyınsha tiykarǵı máseleler dodalandı.
Sonday-aq, tárepler hayal-qızlar isbilermenligi tarawındaǵı birge islesiwdiń áhmiyetli tárepleri hám keleshekke belgilengen rejelerin de kórip shıqtı.
Senatorlar mámleketimiz basshısınıń isenimli siyasiy erk-ıqrarı sebepli mámlekette keń kólemli reformalar tabıslı ámelge asırılıp atırǵanın atap ótti.
Bul ózgerisler mámlekettiń siyasiy-huqıqıy tiykarın bekkemlew, hayal-qızlar isbilermenligin rawajlandırıw hám bántligin támiyinlew jáne olarǵa qolaylı sharayat jaratıwǵa qaratılǵan.
N.Borxan mámlekette ámelge asırılıp atırǵan demokratiyalıq reformalardı qollap-quwatlaytuǵının bildirdi hám hayal-qızlardıń isbilermenlik jumısında qatnasıwın keńeytiw hám olardıń ekonomikalıq imkaniyatların arttırıwda Ózbekstannıń roli artıp atırǵanın atap ótti.
Hayal-qızlar isbilermenligin rawajlandırıw baǵdarlamaları hám joybarların ámelge asırıw ushın Malayziya hám Ózbekstan arasındaǵı birge islesiwdi bunnan bılay da rawajlandırıw áhmiyetli ekenligi atap ótildi.

Norgul ABDURAIMOVA, ÓzAnıń xabarshısı